लालबागच्या गरमखाडा मैदानात मराठमोळ्या खाद्यपदार्थांचा महोत्सव दि 14 ते 18 डिसेंबर दरम्यान संपन्न झाला.  महाराष्ट्रीयन विशेषतः कोकणी मालवणी कोल्हापुरी खाद्यपदार्थ यांच्या वैविध्यपूर्ण चवींचा मनमुराद आस्वाद येथे रसिक खाद्यप्रेमींना घेता आला. 

या महोत्सवात अनेक स्पर्धा आणि खेळ यांच आयोजन करण्यात आलं होतं.

श्री तशी सौ या नावीन्यपूर्ण खेळाच्या माध्यमातून सुप्रसिध्द निवेदक सचिन कामतेकर यांनी स्पर्धकांना गाण्यासाठी नवा आत्मविश्वास दिला. स्टेजची भीती दूर करत आपले कलागुण व्यक्त करण्यासाठी उद्युक्त केलं.

या उपक्रमाच्या संस्कृती फाउंडेशनच्या संचालिका रूतिका सुवारे आणि तन्मयी घाडीगांवकर यांनी विभागातील गुणीजनांना सन्मानपत्र  पुरस्कार देवून गौरवांन्वित करण्याचा एक नवा पायंडा निर्माण केला. 

1.पोलीस खात्यात उच्चपद भूषवित असलेल्या महिला अधिकारी म्हणून कार्यरत सहाय्यक पोलीस आयुक्त कल्पना गाडेकर (सावित्रीबाई पुरस्कार)

2. आपल्या कर्तृत्वाचा ठसा जनमानसात ज्यांनी आपल्या कार्यातून उमटवला असे कार्यसम्राट नगरसेवक अनिल कोकीळ (कर्तव्यभूषण पुरस्कार)

3. महाराष्ट्राच्या सांस्कृतिक जडणघडणीत मोलाचे योगदान देणारे ज्येष्ठ कलावंत मधुकरराव नेराळे (कलाभूषण पुरस्कार)

4. निर्भिड पत्रकारिता जपणारी सोनल खानोलकर (हिरकणी पुरस्कार)

5. मल्लखांब खेळाचा प्रसार जागतिक स्तरावर करणारा राष्ट्रीय खेळाडू ऋतुराज शिरोडकर (क्रिडाभुषण पुरस्कार)

6.न्यायदान क्षेत्रात सामाजिक भान राखत वकिली करणारे एडवोकेट प्रसाद पांचाळ (विधीज्ञ भूषण पुरस्कार)

7. निराधार मुलींसाठी अनाथालय चालवणाऱ्या संहिता गायकवाड सोनकर (आधारवड पुरस्कार)

8. वैद्यकीय क्षेत्रात निस्पृह सेवा देणारे डॉ. प्रागजी वाझा (धन्वंतरी पुरस्कार)

9. दानशूर कर्णा प्रमाणे रक्तदानाचे उच्यांक गाठत रक्तदान करणारे  नजमुद्दिन साकरवाला (रक्तकर्ण पुरस्कार)

अश्या दिग्गजांना मुंबईचे माजी नगरपाल डॉ जगन्नाथराव हेगडे यांच्या हस्ते पुरस्कार वितरित करण्यात आले.

या महोत्सवास आमदार अजय चौधरी सौ. लीना  बाळा नांदगावकर नगरसेवक समाधान सरवणकर युवा उद्योजक उदय पवार समाजसेवक महेंद्र सातपुते यांची उपस्थिती होती.

या महोत्सवाचे उद्घाटन सिने अभिनेत्री रिना मधुकर हिच्या हस्ते करण्यात आले.

या महोत्सवात सूर्या या चित्रपटाची नायिका रूचिता जाधव ची उपस्थिती लक्षवेधक होती.