छत्रपती संभाजीनगरच्या समृद्धी महामार्गावर भीषण अपघात झाला आहे. यात 12 जणांचा मृत्यू झाल्याची माहिती मिळाली आहे. या मृत व्यक्तींमध्ये 6 वर्षाच्या चिमुकलीचाही समावेश आहे. या अपघाता 23 जण जखमी झाले आहेत. नाशिक जिल्ह्यातील 35 भाविक सैलानी बाबाच्या दर्शनासाठी बुलढाणाला गेले होते आणि येथून परतत असताना हा अपघात झाला आहे. हा अपघता वैजापूर तालुक्यातील जांबरगाव टोल नाक्याजवळ उभ्या असलेल्या ट्रकला भरधाव वेगाने आलेल्या टेम्पो ट्रॅव्हलरने धडक दिली.

या घटनेची माहिती मिळात पोलिसांनी घटनास्थळी दाखल झाले आहेत. या अपघातातील जखमींना वैजापूर येथील रुग्णालयात दाखल करण्यात आले आहे. हा अपघात शनिवारी रात्री एक ते दीड वाजताच्या सुमारास झाला आहे. या टेम्पो ट्रॅव्हलरमध्ये 35 प्रवासी होते. हे सर्व जण बुलढाण्यातील सैलानी बाबा दर्गाच्या दर्शन करून नाशिकला परतत असताना हा भीषण अपघात झाला आहे.

स्थानिकांनी केली मदत

वैजापूर तालुक्यातील जांबरगवा टोल नाक्याजवळ हा अपघात झाल्याची माहिती मिळताच वैजापूरसह आजूबाजूच्या गावताील नागरिकांनी घटनास्थळी धाव घेतली आहे. या अपघातातील जखमी झालेल्या सर्वांना जवळच्या शासकीय रुग्णालयात दाखल करण्यात आहे. या घटनास्थळी समृद्ध महामार्गावरील बचाव पथक वैजापूर पोलीस पोहोचले असून मदतकार्य सुरू आहे.

पीएम केअर फंडातून प्रत्येकी 2 लाख रुपये 

“छत्रपती संभाजीनगर जिल्ह्यात मोठा अपघात झाला आहे. या अपघातात जखमी झालेले लवकरात लवकर बरे व्हावे, हीच प्रार्थना. या अपघातात जीव गमवलेल्या कुटुंबीयांच्या नातेवाईकांना पीएम केअर फंडातून प्रत्येकी 2 लाख रुपये तर जखमींना 50 हजार रुपये मदत दिली जाणार आहे, अशी घोषणा पंतप्रधानांनी ट्वीट करत दिली आहे.

मृतांची नावे

• तनुश्री लखन सोळसे (5 वर्ष)
• संगीता विलास अस्वले (40 वर्ष)
• पंजाबी रमेश जगताप (38 वर्ष)
• रतन जमदाडे (45 वर्ष)
• काजल लखन सोळसे (32 वर्ष)
• रजनी गौतम तपासे ( 32 वर्ष)
• हौसाबाई आनंदा शिरसाट (70 वर्ष)
• झुंबर काशिनाथ गांगुर्डे (58 वर्ष)
• अमोल झुंबर गांगुर्डे (18 वर्ष)
• सारिका झुंबर गांगुर्डे ( 40 वर्ष)
•  मिलिंद हिरामण पगारे ( 50 वर्ष)
•  दीपक प्रभाकर केकाने (47 वर्ष)