महाराष्ट्र NGO समिती आयोजित ११ वा वर्धापन दिन सोहळा, शुक्रवार दिनांक १ ऑगस्ट २०२५ रोजी सकाळी लघु नाट्यगृह दादर माटुंगा सांस्कृतिक केंद्र येथे संपन्न झाला.या सोहळ्यासाठी महाराष्ट्र एनजीओ समिती महाराष्ट्र राज्य प्रमुख श्री .युवराज येडुरे, माननीय राज्य उपाध्यक्ष डॉ . सुनिता ताई मोडक उपस्थित होते.

सदर वर्धापन दिन सोहळ्यात रत्नागिरी NGO समितीची कार्यकारिणी जाहीर करण्यात आली.

यावेळी महाराष्ट्र एनजीओच्या, रत्नागिरी जिल्हा अध्यक्ष म्हणून विनायक खानविलकर ( अध्यक्ष - स्वराज्य प्रतिष्ठान लांजा) ,उपाध्यक्ष - प्रताप पवार ( संस्थापक - शिवस्वराज्य फाउंडेशन लांजा ) , संपर्कप्रमुख - प्रसाद मोहरकर ( अध्यक्ष - संकल्प प्रतिष्ठान ) यांची निवड करण्यात आली. 

तर संचालक पदी शिवगंध प्रतिष्ठानचे अध्यक्ष अविनाश ऊर्फ राजू जाधव,नेहरू युवा ऑल मूव्हमेंट ऑर्गनायझेशन चे अध्यक्ष विकास चव्हाण , शिवस्वराज्य फाऊंडेशनचे कार्याध्यक्ष दिनेश पवार यांची निवड करण्यात आली . 

यावेळी वर्धापन दिन सोहळ्यास प्रमुख मान्यवर म्हणून एल.के.डोळस , संदीप बोटे , सौ . सारिका पाटोळे , सौ .शीतल पाटील , सौ.रेवा काळे , सौ.शीतल उगले , सौ .पूजा खडसे , सौ. कल्याणी खडसे , सौ.सपना श्रीवास्तव , कोकण विभाग संघटक भोईर आणि सिने अभिनेते संचित यादव उपस्थित होते . सदर कार्यक्रमाचं आयोजन सौ.रेवा मोडक ,सौ. किरण ताई बडे , सिने अभिनेत्री पौर्णिमा ओव्हळ, सौ . चंदा ताई गान ,सौ.रोहिणी पाटील , सौ.कृतिका मोरे , यांनी केलं होत.

 नवीनच कार्यान्वित झालेल्या, महाराष्ट्र एनजीओच्या, रत्नागिरी कार्यकारिणीचे सर्वच स्तरातून अभिनंदन करण्यात येत आहे.

यावेळी पत्रकारांशी बोलताना , अध्यक्ष विनायक खानविलकर म्हणाले की , महाराष्ट्रा मध्ये अशा अनेक संस्था आहेत ज्या ग्रामीण भागातील तळागाळापर्यंत जावून गोरगरीब जनतेसाठी स्वतःची पदरमोड करून ज्या मातीत आपण जन्माला आलो , त्या मातीच आपण देण लागतो या भावनेतून काम करत आहेत.परंतु अशा या संस्थांना शासनाच्या माध्यमातून मदत होताना दिसून येत नाही .म्हणूनच महाराष्ट्र समिती महाराष्ट्र राज्य प्रमुख युवराज येडूरे,आणि राज्य उपाध्यक्षा डॉ.सुनिता ताई मोडक यांच्या संकल्पनेतून महाराष्ट्रातील काम करणाऱ्या संस्थांना एकत्रित करून त्यांना ऊर्जितावस्थेत आणण्यासाठी हे प्रयत्न सुरू आहेत. आणि आज रत्नागिरी जिल्हा कार्यकारिणीवर आमची निवड झालेय ,लवकरच आम्ही रत्नागिरी जिल्ह्यातील प्रत्येक तालुक्याच्या कार्यकारिणीची बांधणी करून कामाची सुरुवात करू.