"जीवनदाता" ने समाजासमोर ठेवला आदर्श
मुंबई (ऋषिकेश तटकरे) : जागतिक महिला दिनाचे औचित्याने रक्तदान शिबिराचे आयोजन करून जीवनदाता सामाजिक संस्थेने महिलांसाठी एक व्यासपीठ उपलब्ध करून दिले आहे.याचा बोध घेऊन इतर संस्थांनीही अशाप्रकारे रक्तदान शिबिरे आयोजित करून महिलांना रक्तदानाची संधी उपलब्ध करून द्याव्यात असे उद्गार सुप्रसिद्ध उद्योजिका श्रीमती सत्यवती सत्यवान कोलगे यांनी नुकतेच येथे काढले.
जीवनदाता सामाजिक संस्थेने मुंबईतील परेल येथील केईएम रक्तपेढीत जागतिक महिला दिनानिमित्त आयोजित महिला रक्तदान शिबिराचे उद्घाटन श्रीमती सत्यवती सत्यवान कोलगे यांनी केले. याप्रसंगी त्या उद्घाटक या नात्याने बोलत होत्या.
त्या आपल्या भाषणात पुढे म्हणाल्या की,महिला आपल्या आरोग्याकडे पुरेसे लक्ष देत नसल्यामुळे त्यांच्यामध्ये हिमोग्लोबीनची कमतरता असते.यामुळेच महिलांचा रक्तदानातील सहभाग कमी असतो परंतु जागतिक महिला दिनाच्या निमित्ताने जीवनदाता संस्थेने 'घे भरारी रक्तदानासाठी ' या संकल्पनेवर आधारित केवळ महिलांसाठीच रक्तदान शिबिराचा एक वेगळाच स्वतंत्र प्लॅटफाॅर्म उपलब्ध करून दिला आहे, याबद्द्ल मी त्यांना धन्यवाद देते.जीवनदाताचा हाच आदर्श इतर संस्थांनी अंगिकारून अशाप्रकारे रक्तदान शिबिरे आयोजित केल्यास रूग्णालयांना जाणवणारी रक्ताची टंचाई दूर होण्यास यामुळे निश्चितच मदत होईल असे त्यांनी आपल्या भाषणात सांगितले
महिलांसाठीच आयोजित या खास रक्तदान शिबिरात जवळपास २०० महिलानी आपली उपस्थिती दर्शविली व त्यातून ९६ महिला रक्तदान करण्यात यशस्वी ठरल्या.ढाल,
तलवार व फेटा परिधान करून रक्तदात्या महिलांचे स्वागत करण्यात येत होते.
सदर रक्तदान शिबिर यशस्वी करण्यासाठी सौ.जान्हवी जयराम नाईक,सौ.अश्विनी म्हात्रे ,संजना काटकर,आरोही काळे,सौ.वीणा गणेश आमडोसकर,सौ.नेहा नितिन कोलगे,डाॅ.रजनी ग्वालानी,सौ.सेजल कोळवणकर,चित्रकार योगिता कोलगे,सौ.संगीता गांगण, सौ.श्रावणी खेडेकर,श्रीमती मिलन शिरगावकर,श्री.गणेश आमडोसकर,श्री.नितिन कोलगे,,श्री.जयराम नाईक, श्री.विकास येवले.श्री.संजय कुलकर्णी आदिंनी विशेष परिश्रम घेतले.
संबंधित पोस्ट
वेबसाइट पोल
विशेष:
आम्हाला फॉलो करा
सब्सक्राइब करा न्यूज़लेटर
SUBSCRIBE US TO GET NEWS IN MAILBOX
फोटो गैलरी
वेअथेर रिपोर्ट
लाइव क्रिकेट स्कोर
शेअर मार्केट
© 2026 The Global Times | Powered By by Sysmarche Infotech
रिपोर्टर
Our news reporter is a dedicated professional with a sharp eye for detail and accuracy. Specializing in breaking news and local affairs, they bring trusted updates daily with clarity and speed. With years of experience on the field, their reporting is both insightful and reliable. Known for ethical journalism, they ensure every story is verified before it reaches you.
The Global Times