रोह्यात सोमनाथ ज्योतिर्लिंग यात्रा निमित्ताने शिवलिंगाचे दर्शन सोहळा, दर्शनाचा रोहासह रायगडवासीयांनी लाभ घ्यावा:- सुरेश मगर यांचे आवाहन
रोहा:- प्रतिनिधी
आर्ट ऑफ लिव्हिंग तर्फे महाराष्ट्रात सोमनाथ ज्योतिर्लिंग यात्रा जाहीर झाली असुन श्रद्धा, संस्कृती आणि राष्ट्रीय अस्मितेची एक पवित्र यात्रा म्हणुन ओळखली जात आहे.
सोमनाथ ज्योतिर्लिंग यात्रा निमित्ताने रोहा शहरातील भाटे वाचनालय येथे २१ जुन सायंकाळी ५ वाजता शिवलिंगाचे दर्शन सोहळा आयोजित करण्यात आले असून या शिवलिंगाच्या दर्शनाचा लाभ रोहा सह रायगडवाशियांनी घ्यावे असे आवाहन सुरेश मगर यांनी केले आहे.रोहेकरांसाठी शिवलिंग दर्शन अध्यात्मिक पर्वणी ठरणार आहे.याच वेळी रुद्र पुजा करीत संकल्प सोडण्याची भाविकांना संधी आहे.
एक ऐतिहासिक आणि अध्यात्मिक क्षण साजरा करत, आर्ट ऑफ लिव्हिंग फाउंडेशन तर्फे सोमनाथ ज्योतिर्लिंग यात्राची घोषणा करण्यात आली आहे. ही पवित्र यात्रा १५ जून ते ६ जुलै २०२५ दरम्यान महाराष्ट्रभर होणार आहे. या यात्रेद्वारे मूळ सोमनाथ ज्योतिर्लिंगाचे अवशेष जनतेसमोर आणले जातील, जे भारताच्या संस्कृतीचा आणि अध्यात्मिक वारसाचा अमूल्य भाग आहेत.
हे अवशेष त्या मूळ शिवलिंगाची आहेत, जी १०२६ ई.स. मध्ये महंमद गजनी ने नष्ट केली होती. सोमनाथ मंदिर, जे बाराही ज्योतिर्लिंगांमध्ये पहिले जाते, आजही श्रद्धेचे प्रतीक म्हणून उभे आहे. १०२६ मध्ये घडलेला विध्वंस सर्वात भयंकर होता. लाखो भक्तांनी पूजलेले, आणि कधीकाळी जमिनीपासून तीन फूट वर तरंगत होते असे मानले जाणारे शिवलिंग त्याने उद्ध्वस्त केले. मात्र, मंदिराचे विध्वंस होऊनही भक्तांची श्रद्धा कायम राहिली.
अग्निहोत्री ब्राह्मण कुळाने हे पवित्र अवशेष दक्षिण भारतात सुरक्षित ठेवले. स्वामी प्रणवानंद, स्वामी शिवानंद यांच्यासारख्या थोर संतांच्या हस्तांतरणा नंतर, हे अवशेष तामिळनाडूमधील एका ब्राह्मण कुटुंबाकडे सुरक्षित ठेवण्यात आले. त्यांनी हे कांची शंकराचार्यांकडे नेले आणि जनतेसमोर आणण्याची परवानगी मागितली. शंकराचार्यांनी आशीर्वाद देत सांगितले, "आता वेळ आलेली आहे. हे अवशेष बेंगळुरूमधील गुरुदेव श्री श्री रविशंकर यांच्याकडे घेऊन जा. ते याला योग्य प्रकारे पुढे नेतील." आणि आज, गुरुदेवांच्या मार्गदर्शनाखाली, हे पवित्र अवशेष सर्वांसाठी उपलब्ध होत आहेत.
पवित्रता जनतेपर्यंत
ही यात्रा महाराष्ट्रातील प्रमुख शहरांमधून जाणार असून, लाखो भक्तांना या पवित्र अवशेषांचे दर्शन घेण्याची संधी मिळणार आहे. पूजा, सत्संग, ध्यान आणि आर्ट ऑफ लिव्हिंगचे आध्यात्मिक कार्यक्रम यामध्ये सहभागी होता येईल. ही यात्रा केवळ धार्मिक कार्यक्रम नसून, भारताच्या अध्यात्मिक आणि सांस्कृतिक पुर्नजागरणाचा भाग आहे.
“ही फक्त काही शिलाखंडांची यात्रा नाही; ही श्रद्धेची, पुनरुत्थानाची आणि भारताच्या आत्म्याशी नातं जोडणारी यात्रा आहे,” असे आर्ट ऑफ लिव्हिंगचे वरिष्ठ प्रशिक्षक दर्शन हाठी यांनी सांगितले.
यात्रेची वैशिष्ट्ये:
- सोमनाथ ज्योतिर्लिंग अवशेषांचे दर्शन
- सत्संग, भजन, मार्गदर्शित ध्यान, आर्ट ऑफ लिव्हिंग प्रशिक्षकांद्वारे घेतले जाईल.
कार्यक्रम तपशील:
- यात्रेची कालावधी: १५ जून ते ६ जुलै २०२५
- स्थळे: महाराष्ट्रातील विविध जिल्हे व शहरे
आर्ट ऑफ लिव्हिंग तर्फे सर्व भक्तांना या अद्वितीय अध्यात्मिक अनुभवामध्ये सहभागी होण्याचे आवाहन करण्यात येत आहे.
संबंधित पोस्ट
वेबसाइट पोल
विशेष:
आम्हाला फॉलो करा
सब्सक्राइब करा न्यूज़लेटर
SUBSCRIBE US TO GET NEWS IN MAILBOX
फोटो गैलरी
वेअथेर रिपोर्ट
लाइव क्रिकेट स्कोर
शेअर मार्केट
© 2026 The Global Times | Powered By by Sysmarche Infotech
रिपोर्टर
Our news reporter is a dedicated professional with a sharp eye for detail and accuracy. Specializing in breaking news and local affairs, they bring trusted updates daily with clarity and speed. With years of experience on the field, their reporting is both insightful and reliable. Known for ethical journalism, they ensure every story is verified before it reaches you.
The Global Times